زيروه لر يولچوسو

گونتای گنجالپ

زيروه لر يولچوسو

         تبريزده هر کسين سايقي دويدوغو، دونيانين بير چوخ هوندور داغلارينا يوکسلميش اونلو داغچي حوسئين حراستي  هر طرفي قارلا ساريلميش پامیرین ان اوجا زيروه سيني فتح ائتمک ايسترکن،  دوشرک حياتيني ايتيرميشدير...

1-    اؤزگور روح

         ووجودونون درينليگيندن گلن بير سس اونو بليرسيزلييه، سونسوزلوغا چاغيريردي. باشلانغيجي و سونو گؤرونمه ين يوللار اونون ايچينده بير-بيرينه دولاشميش، روحونا ساريلميشدي. 

  داغلارين بوينونا ساريلا-ساريلا زيروه يه ديرماشان سرت کئچيدلي يوللارين سيرلي چاغريشلاري رؤيالارينا، يوخوسونا گيريردي. داغلار، اولو روحو داريسقالليقدان قورتارما گؤرَوی ايله يوکلنميشدي. داغ باشيندان سئل اولوب آخيشان جاذيبه لر روحونو ايشغال ائتميشدي. 

  عشق، قوتسالجا ايشغال اولونما دئمکدير. عشق، باغلاناراق اؤزگورلويه اولاشماقدير. هر کس اؤز ميقدارينجا سئور؛ بيري آبي حياتي (ديريليک سويونو)، بيري سئوگيليني، بيري ده … 

   “هر کسين عالمده ميقدارينجادير تب`ينده مئيل 

   من لبي جانانيمي، خيزر آبي هئيوانين سئور” (فوضولي)

  سئوگي، اونونلا ياشاماق و اونسوز ياشايا بيلمه مکدير. داغلارسيز ياشايا بيلميردي. سئوگي، روحون اؤزگورلويه اوزانان يولودور. ايچه ريدن دومانليغي، قارانليغي و آنلاشيلمازليغي دفع ائدن، روحو اينانجلا اؤزدئشلشديريب، اومودلارا، موتلولوقلارا قوووشدوران سئوگيدير. داغلارين جاذيبه سي ووجودونا دولموش، اونو سيغمازليق بيلينجينه ارديرميشدي. قلبيندن بئينينه عشق ايلديريمي چاخميشدي. بئينينده حئيرت دوغوران سيرلر گؤرونموشدو. باشيندا داغ هاواسي وار ايدي. دوشلرينده (خیاللاریندا) داغلار دولاشيردي. داغلار اؤز آرخاداشيني، اؤزگور روحو چاغيريردي.

2-    حرکت

  اؤزگور و موتلو روح دره نين ديبيندن باشي قارلي زيروه يه باخدي. گونش زيروه ده دورموش، ايشينلاري اؤزگور روحو، کؤلگه لي، درين و دالغين دره لردن همن زيروه يه دوغرو يوکسلمه يه چاغيريردي. گؤيلرده داغينيق بیاض بولودلار اؤزگور روحون سئودالي ايراده سينه حئيرت ائديردي.   

  قاياليقلار فتح ائديلديکجه يوکسکليکلرده ياشاماق عشقي يورغونلوغونو اونوتدوروردو. زيروه يه دوغرو يوکسلديکجه، اؤز ايچينده ده يوکسه ليردي. يوکسه ليش بير روح حاليدير. او روح حالي اينسان وارليغيندا حرکته کئچمزسه، داغلاري فتح ائتمک، زيروه لره يوکسلمک مومکون اولماز. اينسانين ايچ دونياسيني گئنيشله دن يوکسه ليش دويغوسودور. ايچينده يوکسکليک دويغوسو داشييانلار دايما داغلارا وارميشلار، داغلار دا اونلاري چاغيرميشدير، چاغيراجاقدير. 

  کئچيلمز يارغانا، اوچوروما راستلاندي. ديرناقلاري سويولموشدو، آنجاق آغري حيسس ائتميردي. اولو ايستک و يوکسک هدف اوغروندا مرکزلشن ايراده کيچيک آغريلاري دويولماز ائتميشدي. گئرييه دؤنوب باخدي، دره لرين ديبي گؤرونموردو. “درينليکلره باخمازلار” کيمي بير سؤز ائشيتميشدي، چونکو درينليکلرين جاذيبه سي وار. درينليکلر گؤزو آخيدار، درينليکلر جذب ائدر.   

  درينليکلر اونو جذب ائتمه دي، ائده بيلمه دي، چونکو اونون روحوندا يالنيز يوکسکليکلرين جاذيبه سي وار ايدي. زيروه يه يوکسه ليش ايراده سي دره لرين جاذيبه سيندن اوستون ايدي. 

  بير آز کناردا، بؤيوک قايانين اوستونده اوتورموش بير قارتال سسسيزجه اونون ديرمانيشينا باخيردي. اؤزگور روحون گؤزو قارتالا ساتاشدي و:

  “زيروه يه گئديرم، بير آز سرتليکله راستلانميشام، آنجاق کئچه جه یم” - دئدي. 

  قارتال اوزون-اوزون اونو سئير ائتدي، سونرا دا قييها چکيب اؤزونو اوچوشا توللادي. زيروه لر يولچوسو قايادان ساللاق حالدا قارتالين اوچوشونو سئير ائديردي.  

  سويولموش ديرناقلاري نين قاني قوللاريندان بوينونا طرف آخيردي. داغداغان کولوندان ياپيشيب اوچورومو کئچدي. دينجيني آلماق اوچون آزجيق اوتوروب، بير ماهني زومزومه ائتمه يه باشلادي:

                             بير سئودايا کؤنول وئرديم، 

                             آلدي، آپاردي روحومو. 

                             دولاشديردي دونيالاري، 

                             داغلارا وئردي کؤنلومو.

***

                             عشق ايچيمده چاغلار منيم، 

                             بو کئچيلمز يوللار منيم، 

                             اسکي دوستوم داغلار منيم، 

                             آلدي، آپاردي روحومو. 

***

                             داغلارداکي گيزلين گيزلر، 

                             اؤزگور روحلاري هپ ايزلر، 

                             اؤزله ديگيم گيزلي ايزلر، 

                             آلدي، آپاردي روحومو. 

3-    زيروه ده

  زيروه لر سونسوز گؤيلره ان ياخين مکاندير. زيروه لرين ووقاري، اونون سويونون، کؤکونون يئرين ان درينليکلرينده اولماسي اوزوندندير. زيروه لر سويلودورلار. زيروه لر و زيروه لره يوکسلنلر. زيروه لره يوکسلنلر زيروه نين ائحتيشامي، ووقاري ايله اؤزدئشله شيرلر. 

  ايچ دونياسي نين درينليگي، سويلولوغو ايله کايناتين سونسوزلوغونو بيرلشديرن زيروه لر يولچوسو، سونسوز بير موتلولوق ايچه ريسينده “زيروه لر” آديندا بير شرقي سؤيله ييردي:

                   موقدس مکاندير، موقدس مکان، 

                   يوکسه ليش معناسين آنديرير هر آن، 

                   يئرين ايچ قاتيندا کؤک سالديغيندان، 

                   هر زامان جاواندير قوجا زيروه لر. 

***

                   گئجه لر اولدوزلا، آيلا گؤروشر، 

                   گوندوز گؤيلر قيزي گونله اؤپوشر، 

                   سئوينجي دره ئيله، دوزله بؤلوشر، 

                  داغلارين باش تاجي هاچا زيروه لر. 

***

                  قاپ-قارا بولودلار سيخلاشان زامان، 

                  شيمشکلر غضبين دويدو ياخيندان، 

                  دوزلري، چؤللري ساراندا دومان، 

                  ساچينا دن دوشن اوجا زيروه لر. 

  ايلديريملارين غضبي ايله ايچ-ايچه اولاراق برکييَن و يوکسلن زيروه لر. زيروه يئر دئييلدير، گؤيون آلتيدير. زيروه لردن يوکسکده دوران گؤيلردير. گؤيلرين سيرلريني دويما آشاماسيدير زيروه لر. 

  گؤيلرده بیاض بولودلارین يئريني آلان بوز بولودلار بير-بيرينه دوغرو سورونوردو. بولودلارين کينلي، غضبلي و ايلديريم دوغوران سورتوشمه لري باشلاميشدي. زيروه لي داغين بئلي نين اورتاسينا بير نئچه قورخونج سسلي ايلديريم شيغيدي. داغين بئلي قیریلمادی، آنجاق اوزون ايللر بويونجا زيروه لرده اوست-اوسته قالانيب برکيين قارين و قار بوزلاري نين بئلي قيريلدي. چيغ (بهمن) گورهاگورلا ديبي گؤرونمه ين دره لره دوغرو يووارلانيردي.  

  زيروه لر يولچوسونون آياغي سوروشدو و چيغلا بير يئرده دره نين ديبينه يووارلاندي… 

  بوغازينا قدر قارين آلتيندا قالميش زيروه لر يولچوسونون سؤنمکده، قاپانماقدا اولان گؤزلري زيروه يه ديکيلميشدي، بير آز اؤنجه فتح ائتديگي زيروه يه. توفاندان سونرا هر طرفي سارميش بياض سسسيزليک ايچريسيندن داغلار بير پيچيلتي دويدو:

      بدنيمي ترک ائدن روح، 

      دره لرده توتما قرار، 

      مندن آيريليب گئدن روح، 

      يوکسل، اوردا، زيروه ده قال!  

  *** 

  زيروه لر يولچوسونون سون نفه سي زيروه يه دوغرو دومانلانيردي… 

باکی- 2002

   

قیزتامام

قیزتامام

   

  چوجوقلوق دونیاسی فرقلی اولور. آدام ائله بیلیر کی، حیات ابدیدیر. زامان کئچدیکجه چوجوق اؤلوم، آیریلیق قاوراملاری ایله تانیش اولور. یاش اوستونه یاش گلدیکجه بو دونیانین اولایلاری، اولموشلاری و اولاجاقلاری ایله تانیش اولما سورجی باشلاییر. چوجوقلوقدا سئوگی آنلاییشی دا فرقلی اولور. چوجوغو سئودیگی بیرینه باغلایان ائتکنلر گنجلیک دؤنمینده اولدوغونا بنزه مز. چوجوقلوق دؤنمینده کی سئوگی و یا دوستلوق ایلیشکیلری چوجوغون تربییه سینه چوخ تاثیر گؤستریر. حتّی بزن یاشلانمیش اولان چوجوغون رؤیالاریندان آیریلمیر بو ایلک محبتین ماجرالاری. تئز-تئز یوخوما گیرن بو ماجرالاردان بیرینی یازماق ایسته ییرم. هر دفعه  ده رؤیالاریما گیردیگینده گؤز یاشلاری ایچینده اویاندیغیم بیر حادیثه ، بیلینجالتیما یئرلشمیش اولان بیر اولای.  

***

  کندیمیز حددیندن آرتیق یوخسول ایدی. بعضی عاییلهلرین هئچ بیر قاریش دا تارلالاری یوخ ایدی. ایندی دوشونورم کی، اونلار نئجه تمین ائدیرمیشلر حیاتلارینی؟ یالنیز بونو خاطیرلاییرام کی، کندین جاوانلاری دسته-دسته بؤیوک شهرلره فهله لیگه گئدردیلر. بیر ده بو یوخسوللارین قاپیسیندا بیر نئچه مال-داعوار اولاردی. کندین اوغلانلاری فهله لیگه گئتدیکلری اوچون مال-داعوار ایشینه ده قادینلار، قیزلار باخاردی. بو اوزدن ده کندین اؤروشلرینده چوخلو چوبان قیزلارا راست گلمک مومکون ایدی. بو چوبان قیزلارین چوخلاری نین آیاقلاری یالین اولاردی. آیاققابی آلماغا پول اولمازدی. حتّی قادینلار پولون نه اولدوغونو بیلمزدیلر. بیزیم بیر آزجیق تارلامیز وار ایدی. حیاتیمیز بورادان تمین اولوردو. بزن ده کندین قیزلاری تارلالاری اولان آداملارین زمیلرینی بیچیر، نوخودلارینی، بزه رکلرینی یولوب، قارشیلیق اولاراق مثلن بیر دریز بوغدا و یا بیر قوجاق نوخود و بزه رک آلیردیلار. بو حادیثه نین باش وئردیگی زاماندا من بیرینجی ایبتیدای سینیفی بیتیرمیشدیم. یای تتیلینده یا اؤروشلرده قویونلاریمیز، ماللاریمیزی اوتاراردیم، یا دا تارلادا چالیشان عاییلهمه یاردیم ائدردیم. ندنینی بیلمیرم، آنجاق ائویمیزده آیریجا بیر حؤرمتیم وار ایدی. یازیب-اوخوماغی یئنیجه اؤیرنمیشدیم. من ده کندین دیگر چوجوقلاری کیمی تارلالاردا اوستوموزده هئچ پالتار اولمادان چالیشاردیق. وار اولان یاماخلی پالتارلاریمیزی درس باشلارکن مکتب اوچون ساخلاردیق. قیزمار گونشین آلتیندا اینجه دریلریمیز یاناردی. کاسیب اولدوغوموزون فرقینده دئییلدیک. چونکو گؤزوموزو آچدیغیمیزدا بئله گؤرموشدوک و حیاتین دا آنجاق بوندان عیبارت اولدوغونو سانیردیق.  

  فرقینده اولمادیغیم بو بدبخت حیات ایچینده منیم حیاتیما معنا وئرن بیر حادیثه  وار ایدی. قونشوموز قیزی قیزتامامی سئویردیم. قیزتامام گیلین ائوی بیزیم ائوه یاپیشیق ایدی. قیزتاماملا دقیق اولاراق بیلمیرم نه زامان تانیش اولموشدوم. اونون قوجاغیندا اؤزومو چوخ راحات هیسس ائدیردیم. قیزتامام منی باغرینا باسیب اؤپدویونده روحوم بؤیویوردو اونون قوجاغیندا. قیزتامام، یئنه ده سنی رؤیالاریمدا گؤردویومده عئینی دویغولاری یاشاییرام، سئویرم سنی.  

  آلتی، یا دا یئددی یاشیم وار ایدی. آخشام چاغی تارلادان یورغون-آرغین ائوه دؤندویومده آنام منی یاتیرا بیلمزدی. سونرا دیوارین باشیندان: “قیزتامام، سن آللاه گل بو اوشاغی یاتیر”-دئیه قیزتاماما سسلنردی. قیزتامام گلمه سه یدی، یاتمازدیم، یاتا بیلمزدیم. قیزتامام منی هر گئجه باغرینا باساردی. ایری و تر قوخویان ممه لری نین آراسینا قویاردیم باشیمی. قولاغیما گؤزل سؤزلر پیچیلداردی. سونرا دا نه زامان یاتدیغیمین فرقینده اولمازدیم، راحات و درین یوخویا دالاردیم. قیزتامام منه “من سنه اره گئده جگم، سندن باشقا کیمسیله ائولنمرم”- دئیردی. قیزتامامین بو سؤزلرینه سئوینردیم. کندده هر دفعه  توی اولدوغوندا “من ده قیزتاماملا ائولنه جگم”- دئیردیم. اصلینده ایسه تویدا نه لر اولور، ندن ائوله نیلیرین بیلینجینده دئییلدیم. منیم اوچون ائولیلیگین آنلامی او ایدی کی، قیزتامام اولماسا یوخوم گلمز، یاشایا بیلمرم. قیزتامام، حتّی آتا-آنامدان دا داها سئویملی اولموشدو. بزن منی قوجاغینا آلیب دیلی ایله بدنیمین هر طرفینی قیدیخلاییردی. اونون بو داورانیشلاری منه لذت وئریردی. بیر دفعه  ده دودوشومو آغزینا آلیب اوینادیردی. من ده اؤزومو ساخلایا بیلمه ییب آغزینا ایشمیشدیم. سئوینمیشدی قیزتامام. آغزینداکی ایسمگیمی بوشالدیب گوله-گوله منی اؤپمه یه داعوام ائتمیشدی. دوداقلاری آغزیما توخوندوغوندا اؤز ایشمگیمین قوخوسو بورنوما دولموشدو. کندده چیممک اوچون ایمکان یوخ ایدی. اینسانلار ایکی آیدا، اوچ آیدا بیر یول چیمیردیلر. آنجاق یایدا دره ده کی گؤلده هر هفته چیممک مومکون ایدی. قیزتامام دا گئدیب دره ده چیمردی. داها سونرا آنلادیم کی، تکباشینا دره ده چیمکدن قورخدوغو اوچون منی ده اؤزو ایله آپاریرمیش. لذت آلیردیم اونونلا بیر یئرده اولماقدان. قیزتامام تام سویونوب بالاجا گؤلده چیمیردی. منی ده سویا باتیریب چیخاریردی. او زامان قیزتامامین بودلاری نین آراسیندا بوللوجا قارا توکلر اولدوغونو گؤردوم. قاسیغی نین اوستونده اولان توکلر منیم باشیمین توکوندن چوخ ایدی. قیزتاماما “ندن قاسیغی نین اوستونده بو قدر توک وار؟”- دئیه سوردوغومدا “اونو قیرخماق اوچون لئزوا لازیمدیر. لئزوا یوخوموزدور. هاردان آلیم؟”- دئمیشدی. من ده “ایسترسن بؤیوک قارداشیمین اوز قیرخانینی گیزلینجه گتیریم وئریم سنه”- دئمیشدیم. قیزتامام اوزومه باخیب گولموشدو. قیزتامام اوچون هر بیر فداکارلیق ائتمه یه حاضیر ایدیم. حتّی بونا گؤره قارداشیم منی دؤیسیدی ده. بو ایشی قیزتامام اوچون ائتدیم. داها سونرا بیر یئرده چیممه یه گئتدیگیمیزده قیزتامامین قاسیغی نین اوستونده توک گؤرمه دیم.  

  یایین قیزمار چاغی ایدی. قیزتامام کندیمیزه بیتیشیک بیزیم تارلادا نوخود یولوردو، من ده قوزولاری اوتاریردیم. بیردن قیزتامام “دئیه سن کندین موعلیمی گلیر” دئدی. دوغرودان دا کندین موعلیمی سینیفده قالمیش چوجوقلاردان یئنیدن ایمتاحان آلماق اوچون گلیردی. بیلیردیم کی، موعلیم منی چوخ ایسته ییر و منی گؤرسه گلیب حالیمی سوراجاق. آنجاق منیم اَینیمده هئچ بیر پالتار یوخ ایدی. کسیلمه میش دودوشوملا قوزو اوتاریردیم. تارلامیزین یانیندا قوشقونماز آدیندا بیر تیکانلیق یئر وار ایدی. بورایا اونا گؤره قوشقونماز دئییردیلر کی، چوخ سرت تیکانلاری وار ایدی، حتّی قوشلار دا اورایا سرت تیکانلار اوزوندن قونا بیلمزدی. موعلیم منی لوت گؤرمه سین دئیه، قاچیب اؤزومو قوشقونماز یئره سوخدوم. تیکان هر طرفیمی بودامیشدی. هر طرفیمدن قان آخیردی. دودوشومدان بئله، قان آخیردی. موعلیمین کئچیب گئتدیگینی قیزتامام منه بیلدیردیکدن سونرا قوشقونمازلیقدان چیخدیم. قیزتامامین گؤزلری دولموشدو. آخیر اؤزونو ساخلایا بیلمه ییب هؤنکور-هؤنکور آغلادی. سونرا دا بدنیمه باتمیش تیکانلاری چیخاریردی. دیلی ایله قان آخان یئرلری یالاییردی. ایلک دفعه  حیاتیمدا چکدیگیم ان آجی ایشکنجه بو اولموشدو. ایلک دفعه  اولاراق بئینیمه سیزمیشدی کی، دئیه سن حیاتیمیزدا بؤیوک بیر عکسیکلیک وار. بو عکسیکلیگین آدی یوخسوللوق و ظولم ایدی. قوشقونمازداکی آجیلاریم آرا-سیرا یوخوما گیریر. آنجاق قیزتامامین سئوگیسی حسابینا تئز اونوتموشدوم او زامان بو آغریلاری.  

  بئلجه قیزتامام منیم هر شئییم اولموشدو. گئجه لر اونون قوینونا سیخیلیب یاتیردیم. گوندوزلر ده آرخایینجا اؤروشلرده قوزولاری اوتاریردیم، چونکو بیلیردیم قیزتامامین سِحریکار قوجاغی آخشام منی گؤزله ییر.  

  بیر گون ائوه گلدیگیمده گؤرودوم هم بیزیم، هم ده قیزتامام گیلین قاپیسیندا 10-15 آت وار. آنامدان “بو آتلار کیمیندیر؟” دئیه سوردوم. آنام چوخ احتیاطلا منه باخاراق “قیزتامامین تویودور، گلین کؤچور”- دئدی. ائله بیل دونیام داغیلدی. من گئرچکدن قیزتامامین منه دئدیکلرینه اینانمیشدیم. عؤمرومون سونونا قدر قیزتاماملا بیر یئرده یاشایاجاغیمی سانیردیم. آناما “آما او، منه اره گئده جگینی دئمیشدی”- دئدیم. آنام منی باغرینا باسیب “سن ده بؤیودویونده باشقاسی ایله ائونرسن گؤزوم قوربان”- دئدی. آنامین قوجاغیندا هؤنکور-هؤنکور آغلاماغا باشلادیم. “من باشقاسینی ایستمیرم، قیزتامامی ایسته ییرم”-دئییردیم.  

  حَیطدن گومبولتو سسی گلدی. قاچدیم گؤردوم قیزتامامین باشینا دوواق آتمیشلار آتا میندیریرلر. دوواغین آلتیندان قیزتامامین آغلادیغینی گؤردوم. “یقین منیم اوچون آغلاییر”- دئیه دوشوندوم. من ده باشلادیم آغلاماغا و چیغیریب “قیزتامام، بس سن منه دئمیشدین منیمله ائولنه جکسن، منی بوراخیب هارا گئدیرسن، من سنسیز نئجه یاشایاجاغام؟”- دئدیم. تویداکی آداملارن هامیسی دؤنوب منه باخیردی. هامی دا منیم چیلپاق بدنیمه باخیردی. قیزتامام آتین اوستوندن دؤنوب منه باخدی و اللری ایله یاش آخان گؤزلرینی قاپادی. یالوارماغا باشلادیم. “خواهیش ائدیرم گئتمه، قوربان اولوم گئتمه، قیزتامام گئتمه!”- دئدیم آغلایاراق. آتلیلار قیزتامامی آپاردیلار. گئدیب تؤیله میزده کی آتی چیخاریب مینه رک قیزتامامین آرخاسینجا چاپماغا باشلادیم. قاباغیما چیخان کندلیلریمیزدن آغلایاراق یاردیم ایسته ییردیم. “بلکه سیزین گوجونوز چاتار، قویمایین قیزتامامی آپارسینلار”- دئییردیم. آداملار گولومسه ییب کئچیردیلر. آتیمی تارلادا دریاز چالان آتامین یانینا چاپدیم. “آتا، قیزتامامی آپاریرلار، کؤمک ائله آتا!” دئدیم. آتام “بالا، قوی آپارسینلار ده”- دئدی. آتام دا منی آنلامادی. آرتیق قیزتامامی آپاران آتلیلار اوزاقلاشماق، گؤزدن ایتمک اوزره ایدی. آتلیلارین آرخاسینجا چاپیب سون دفعه  اولاراق قیزتامامی گؤرمک ایسته دیم. آتلیلارا چاتمیشدیم. “قیزتامام، بس سن دئمیشدین منه اره گئده جکسن”- دئدیم. قیزتامامین گؤزلریندن یاش آخیردی. آتلیلارین ایچیندن بیر یاشلی کیشی چیخیب منه “آیه، قودوخ، سن گئت گؤتووه بیر شالوار تاپ سونرا ائولنمک فیکرینه دوش!”- دئدی. بو سؤز منه چوخ تاثیر ائله دی. دؤنوب اؤزومه باخدیم. گئرچکدن اَینیمده هئچ بیر شئی یوخ ایدی. قیزتامامی آپاران کاروان آرتیق گؤزلردن ایتمیشدی. یالنیز، تک-تنها قالمیشدیم.  

  سئودیگیم قوزولاریمی قوجاقلاییب آغلاییردیم. قیزتامامین زومزومه ائتدیگی ماهنیلاری پیچیلداییردیم. قیزتامامین چیمدیگی گؤله اوغراییب اونون گؤلده کی حرکتلرینی خاطیرلاییردیم.  

***

  ایللر کئچدی. ائشیتدیم کی، قیزتامام گیل موغانشهره کؤچموشلر. چوخ قورخونج بیر خبر ده ائشیتدیم. دویدوم کی، قیزتامام عاییلهده کی آنلاشیلمازلیق اوزوندن اؤزونو آتیب یانار تندیره. اؤلمه میش، آنجاق ال-آیاغی بیر یئره ییغیلیب، انگ اتی بیر-بیرینه کئچمیش و دانیشا بیلمیر. اری ده قیزتامامی بوشامیش، ایندی قارداشی گیلده قالیر. بو خبر منی چوخ اوزموشدو. تبریزده تیبب اونیوئرسیته سینده اوخویوردوم. بیر گون موغانا گئدیب قیزتامامی گؤرمک ایسته دیم. موغاندا بیر چوخ قوهوملاریمیز وار ایدی. قوهوملاریمیز دا منه چوخ حؤرمت ائدیردیلر. گئتدیم موغانا. هر گون بیر قوهوم منی قوناق چاغیریردی. چوخلاری دا اؤز کندیمیزدن بورایا کؤچموشدولر. گؤروردوم کی، کندده منیمله اوینایان قیزلارین چوخو اره گئتمه لی اولموشلار آرتیق.  

  بیر آخشام دا اؤزوم قیزتامامین قارداشی گیله گئتدیم. قیزتامامین دا قارداشلاری موغانا کؤچموشدولر. اؤزومو تانیتدیم. فیلان کسین اوغلویام. چوخ حؤرمت ائدیب ائوه دعوت ائتدیلر. قیزتامامی گؤردوم. منیم ایلک محبتیم بیر ات ییغینی کیمی بیر کونجده اوتورموشدو. چتین تانینیردی. گؤزللیگیندن بیر اثر قالمامیش، چوخ چیرکین اولموشدو. اوزونه آدام باخاندا یانیقلارین یئریندن قورخوردو. دانیشا بیلمه سه  ده، ائشیده بیلیردی. “سالام قیزتامام، منی تانیدینمی؟” دئیه سوردوم. باشی ایله ایشارت ائده رک “یوخ، تانیمادیم”- دئدی. اؤزومو تانیتدیقدان سونرا گؤزلریندن یاش آخماغا باشلادی. یوکسک سسله آغلایا بیلمیردی. آنجاق گؤزلری نین یاشی دورمادان آخیردی. قیزتامامین بوینونو قوجاقلادیم. من ده آغلاییردیم. “قیزتامام، برابر چیمدیگیمیز گؤله بیر چوخ شئیر یازمیشام. من سنی هئچ بیر زامان اونوتمادیم. سنی سئویرم قیزتامام. خاطیرلاییرسانمی قوشقونماز تیکانلیغی نین تیکانلارینی سن منیم بدنیمدن چیخاردین. سنی سئویرم قیزتامام. من بو دوزنه ساواش آچمیشام. هر آن منی توتوب زیندانا آتا بیلرلر. بو دوزه نی داغداجاغام قیزتامام. منیم دوستوم، منیم قیزتامامیم”- دئدیم. قیزتامامین حرکتسیز ووجودونا ساریلمیشدیم. ائوده اولان هر کس آغلاییردی. منیم ایلک محبتیم محو اولموشدو.  

  ایییمی گون موغاندا قالدیم. بیر گئجه امیم گیلده ایدیم. زنگ ائتدیلر کی، قیزتامام اؤلموش، گلین جنازه مراسیمینه. یاس یئرینه گئتدیک. بعضی آداملار پیچیلداییردی کی، قیزتامام راحات اولدو، ائله یاشاماقدانسا اؤلوم یاخشیدیر. قادینلار پرده چکمیشدیلر و قیزتامامین بدنینی یویوب کفنله ییردیلر. قیزتامامی تابوتا قویدولار. من تابوتون اؤنوندن یاپیشدیم. مزارلیقدا ایکی نفر قاییشیمیزی  چیخاریب جنازه یه باغلادیق. قیزتامامین جنازه سینی قبیره ساللادیق. قاییشیمی قیزتامامین بئلیندن آچارکن “الویدا قیزتامام، سنی اونوتمایاجاغام”- دئدیم.  

  صاباحیسی کندیمیزه یولا دوشدوم. قیزتاماملا اولان خاطیره لریمیزین او موقدس یئرلرینی گؤرمک اوچون کندیمیزه گئتدیم 

***

  قیزتامام تئز-تئز یوخوما گیریر. بزن اودون ایچینده یاناراق منی ایمدادا چاغیریر. یوخودان اویانیرام و ... 

  10.11.2007 

   

   

کؤپکلرين سئويشمه سي

کؤپکلرین سئویشمه‌سی

 

         بۇنلارێ يازمالێياممی؟ نه‌دن يازمايێم کی؟ بۇ جینايتلر يازێلماسا، هئچ بیر زامان دۇرماق بیلمه‌يه‌جک. بۇ کیمی سۇاللارێن ویجدانێمدا باش قالدێرێشێ منی يازماغا زوْرلايێر. يازمالێيام. اؤزللیکله فینلاندیيادا حئیوان حاقلارێنێ قوْرۇيان درنکلرین ائتدیکلری ایشلره باخدێغێمدا بۇنلارێ يازمالێيام دئيه دۆشۆندۆم. بۇ درنکلر صاحبسیز کؤپکلره دؤولتین صاحب چێخماسێنێ، اوْنلارا قايغێ گؤسترمه‌سینی طلب ائدیرلر. دؤولت ده بۇ توْپلۇمسال احتیاجلارا دقت گؤستریر. ایشین چوْخ ایلگینج يانێ بۇدۇر کی، آوروْپادا بۇ درنکلر دؤولتدن حئیوان حاقلارێنا سايقێ گؤسترمه‌سینی ایسته‌دیکلری زامان، ایستانبۇلدا و دیگر ایسلام اؤلکه‌لرینده صیفتلریندن سالدێرقانلێق ياغان مۆسلمانلار کۆچه‌لرده صاحیبسیز کؤپکلری گۆللله‌يیب دسته-دسته اؤلدۆرۆردۆلر. بیر چوْخ آوروْپا اؤلکه‌لری ده مۆسلمانلارێن بۇ وحشیلیگینی تو-لرده خبر اوْلاراق يايێنلادێلار. بۇ گؤرۆنتۆلردن سوْنرا بیر چوْخ آوروْپا قزئتلرینده مقاله‌لر يايێنلاندێ کی، حئیوان حاقلارێنێ قوْرۇما چالێشمالارێ ائورنسل بوْيۇت قازانمالێدێر. 

آوروْپا بیرلیگی آچێق شکیلده تۆرکیيه جۆمهۇریيتینه قۇربان بايرامێنداکێ حئیوانلارێن آمانسێزجا قتل ائدیلمه‌سینه اعتراض ائده‌رک حئیوانلارێن قتل مراسیمی‌نین قۇربان گۆنلرینده اؤنلنمه‌سینی ایسته‌دی. حئیوانلارین قۇربان اوْلاراق کسیلدیگی زامان درمانلا بدنلری‌نین حیسسسیز ائدیلمه‌سی اؤنریلدی. لاکین مین ایلدن آرتێق بۇ قوْرخۇنج گلنه‌يه آلێشمێش مۆسلمان توْپلۇمۇ قێسا زاماندا تربیيه ائتمک مۆمکۆنمۆ؟ مۆمکۆن دئيیلدیر. بۇ اۆزدن ده يئنه قۇربان گۆنلرینده حئیوانلارێ بوْغازلاما و بۇ اؤلۆم صحنه‌‌لرینی نۆمايێش ائتدیرمه موسلمان اولکه لری قارادلیق اوْرتا چاغێ‌نێن اؤنملی بیر اؤزللیگی کیمی داوام ائدیر. حئیوانلارێ بوْغازلاياراق، اوْنلاردان اینتیقام آلارجاسێنا اؤلدۆرۆب و آخان قانێ نۆمايیش ائتدیرمه کۆلتۆرۆ چؤکرتیلمه‌لیدیر. بۇ گیریشدن سوْنرا اساس مؤوضۇع اوْلان کؤپکلرین سئویشمه‌سینه کئچه‌لیم.

 

***

چوْخ کیچیک ياشلارێمدان باشلاياراق بۇ حادثه‌‌يه بیر نئچه دفعه‌‌ تانێق اوْلمۇشدۇم. کندین اوْرتاسێندا، يا دا کنددن کناردا بیر يئرده ایلین بللی فصلینده ایتلر سئویشر، سئکس ياپاردێلار. ایتلرین سئویشمه و سئکس ياپماسێنا کۆتلشمه دئيیردیک. يقین کی، بۇ کۆتلشمه “جۆتلشمه” سؤزۆنۆن دئفوْرما ائدیلمیش شکلیدیر. ایتلرین کۆتلشمه‌سی نئجه اوْلۇر؟ اینسانلارێن ترسینه اوْلاراق حئیوانلار، يالنێز چوْجۇق دوْغۇرما و نسل آرتێرما اۆچۆن سئکس ياپارلار. بۇنۇ دا دیشی حئیوانێن بدنینده‌کی ديَیشیکلیک بللی ائدر. دیشی حئیوان بدنینده‌کی بۇ احتیاجێ حیسس ائتدیگینده ائرکک حئیوانا تۆرلۆ يوْللارلا بیلدیرمیش اوْلۇر. دیشی ایت کؤپه‌يه بۇ حالێنێ بیلدیردیگینده کؤپک تحریک اوْلماغا باشلار. کؤپه‌يین پئنیسی قانجێغێن جینسی اوْرقانێنا گیردیکدن سوْنرا کۆتلشمه باش وئرر. کؤپک سئکس ياپارکن پئنیسی قانجێغێن جینسی اوْرقانێندا شیشیب بؤيۆمه‌يه باشلار. کؤپک بۇ مرحله‌‌ده تام آرخايا چئوریله‌رک ساعتلارجا بۇ شکیلده قانجێقلا بیر يئرده قالار. کؤپه‌يین بوْشالماسێ بعضن ساعتلارجا داوام ائدر. بۇ مدت عرضینده کؤپه‌يین پئنیسی قانجێغێن جینسی اوْرقانێندا شیشیب اۇزاماغا باشلار. بلکه ده ایتلر اۆچۆن بۇ پروْسئس اوْنلارێن عالمینده حیاتلارێ‌نێن ان دادلێ و نجیب آنێدێر. کؤپک بوْشالمادێقجا قانجێقدان قوْپا بیلمز. 

ایتلرین کۆتلشمه‌سی کندیمیزده اهالی‌نین سادیزم دۇيغۇلارێنێ بۆرۇزه وئرردی. ایتلرین کۆتلشمه‌سیندن خبردار اوْلان کندین ياشلێ، گنج و اۇشاقلارێ اللرینه داش آلێب کۆتلشمیش ایتلره سالدێراردێلار. کؤپک قانجێغێن ایچینه بوْشالمادێغێ آنا قدر اوْنلارێ بیر-بیریندن آيێرماق مۆمکۆن اوْلمازدێ. کندین “قهرمان” اهالیسی اۆچۆن ایتلرین کۆتلشمه‌سی بیر ایشکنجه ايلنجه‌سینه دؤنوشردی. هر کس الینده‌کی داشلا کۆتلشمیش ایتلره هۆجۇما کئچردی. بیر-بیرینه گیرمیش قانجێق و کؤپک هر داشێن ضربه‌‌سیندن ناله چکیب اۇلايێردێلار، آنجاق بیر-بیریندن قوْپماز، قوْپا بیلمزدیلر. بیر-بیرینه ياپێشێق شکیلده بۇ وحشی آداملاردان سۆرۆنه-سۆرۆنه اۇزاقلاشێردێلار. 

بیر گۆن بۇ ایشکنجه ايلنجه‌سی زامانێ کندیمیزین آستارالێ مۆعللیمی اۆزۆنۆ اهالیيه تۇتۇب “سیزدن  دؤولته شیکايت ائده‌جه‌يم. آي اۇتانمازلار، آروادلارێنێزلا يوْرغان آلتێندا ياتدیغینیزدا سیزی بئله اینجیتسه‌لر، ياخشێ  اوْلارمێ؟” دئيه باغێردێ. شیکايت سؤزۆنۆ ائشیدن اهالی قوْرخۇسۇندان ياواش-ياواش اکیلمه‌يه باشلادێ. اینسانلارێن ازیيتیندن قۇرتۇلمۇش اوْلان ایتلر کندیمیزین آرخاسێنداکێ دره‌ده راحتجا اؤز سئویشمه و سئکس حیاتلارێنا داوام ائتدیلر.

         ایتلر کۆچۆکلرینی دوْغۇردۇغۇندا ایسه باشقا فلاکت باش وئرردی. ایتلر بعضا 8-7 کۆچۆک دوْغۇراردێ. کندین آداملارێ قاپێلارێنێ و قوْيۇنلارێنێ قۇرددان قوْرۇماق اۆچۆن بیر نئچه کۆچۆک ساخلايێب بؤيۆدر، قالانلارێنێ دا اؤلدۆرردیلر.

         اؤلمه لری اوچون ایتین بالالارێنێ آپارێب کندین چوْخ اۇزاق تارلالارێندا هر بیرینی بیر يانا آتاردێلار. ياورۇلارێن آناسێ اوْنلارێ بیر-بیر تاپاراق يئنه ده گتیریب سامانلێقدا، قالاقدا فیلان اطرافێنا يێغێب امیشدیرردی. دۇرۇمۇ بۇ شکیلده گؤرن ایت صاحبی کۆچۆکلری بیر کؤهنه توْربايا يێغاراق آپارێب دره‌ده داشێن اۆستۆنه قوْياردێ. سوْنرا دا بؤيۆک داشلارلا بۇ کۆچۆکلری ازردی. آنالارێ تاپا بیلمه‌سین دئيه، کۆچۆکلری بۇ شکیلده اؤلدۆرردیلر. کندین اهالیسی‌نین بئله داورانمالارێ‌نێن اقتصادی سببی وار ایدی. بیر مدت سوْنرا سۆددن کسیلن کۆچۆکلره وئریله‌جک يئمک يوْخ ایدی. اهالی اؤز بالالارێنا چتین يئمک تاپێردێ. 

کۆچۆکلرین آناسێ گئدیب بالالارێ‌نێن ازیک-ازیک ائدیلمیش جسدلرینی تاپێب، اوْنلارێن سۆر-سۆمۆکلرینی سامانلێغا داشێياردێ. هفته‌لرجه بالالارێ‌نێن سۆر-سۆمۆکلرینه باخێب گؤزلریندن ياش آخاردێ. کیمسه ایتلرین کدرینی گؤرمزدی، يا دا گؤرۆب ده سايمازدێلار. بۇ، بۆتۆن ایران کندلرینده يايقێن اوْلان بیر گلنکدیر. ایتلری بۇ شکیلده اینجیتمه نین کند حیاتێنا مخصۇص اولدوغونو دوشونور و شهرده بئله حادثه‌‌ اوْلماز دئیه خیال ائدردیم.  

***

اردبیلده اوْرتا مکتبده اوخویوردوم. ایراندا يئنیجه شیعه‌ قییامی اوْلمۇشدۇ. شاه قاچمیش، موللالار ایقتیدارا گلمیشدیلر. قییام طرفدارلارێ ياراشێقسێز ساققاللارێ ایله اللرینده سلاح دوْلاشێر و يئرلی-يئرسیز بۇ چیرکین آداملار شۆبهه‌لندیکلری آدامێن قاباغێنێ کسیب تفتیش ائدیردیلر. هر محله‌‌ده مؤوجۇد اوْلان مسجید قییامین سلاحلێ سنگرینه دؤنۆشمۆشدۆ. بۇ سنگرلر اینقیلابێ کیمدن قوْرۇيۇردۇ؟ خالقدان قوْرۇيۇردۇ. میللته ائده‌جکلری ظۆلمۆن قرارگاهلاری اولسون دئیه، مسجیدلری سلاحلێ سنگرلره چئویرمیشدیلر. هر بیر مسجید بیر جاسۇسلۇق مرکزینه، بیر قوْرخۇ يۇواسێنا دؤنۆشمۆشدۆ. چیرکین ساققاللێ آداملار محله‌‌ اینسانلارێنێ اینجیتمک اۆچۆن مسجیدلرده پلان حاضێرلايێب کیمیسه شرله‌يیردیلر. مسجید، قارانلێق و جهالت يايان مرکزه دؤنۆشمۆشدۆ.

شهرین کۆچه‌لرینده بعضا صاحیبسیز کؤپکلر گؤرۆنۆردۆ. بۇ صاحیبسیز کؤپکلرین چوْخۇ کندلردن گلمیشدی. کنددن شهره کؤچن آدام ایتیندن آيرێلا بیلمه‌دیگی اۆچۆن اؤزۆيله شهره گتیرمیشدی. شهر حیاتێ ایت ساخلاماغا مۆناسیب اوْلمادێغێندان کؤپکلر کۆچه‌لره بۇراخێلمێشدێ.

بیر گۆن مکتبدن گلدیگیمده الینده ایریلی-خێردالێ داش اوْلان بیر سۆرۆ اینسانێن بیر طرفه هۆجۇم ائتدیکلرینی گؤردۆم. هانسێسا “زینا” ائتمیش قادێنێ داش-قالاق ائتدیکلرینی ساندێم. ایزدیهامێن ایچینه گیریب گؤردۆم کی، يۆزلرجه اینسان کۆتلشمیش ایتلری داشلايێر. کؤپکلرین ناله‌لری شیعه‌ اللهێ‌نێن قۇلاغێنا چاتمێردێ. بۇ ایتلرین گۆناهێ نه ایدی کی، بۇ قدر شیعه‌ اینقیلابێ‌نێن قهرمان کئشیکچیلری اوْنلارێ داش-قالاق ائدیردیلر؟ بۇ سۇاللار عاغلێمدان کئچیردی. تاریخده مۆجتهیدلرین “زینا” ياپان قادێ‌نێن داش-قالاق اوْلماسێ ایله باغلێ فتوا وئردیکلرینی دۇيمۇش و گؤرمۆشدۆک. ياخشێ، مۆسلمانلار بۇ کؤپکلری نیيه داش-قالاق ائدیردیلر؟

کۆتلشمیش کؤپکلر قابێرغالارێنا مؤحکمجه ديَن هر داشێن آغرێسێندان اۇلاياراق بیر-بیرینه ياپێشێق شکیلده سۆرۆنۆر و مۆسلمانلارێن الیندن هارا گیره‌جکلرینی بیلمیردیلر. آخێردا ایتلر سۆرۆنه-سۆرۆنه اؤزلرینی قاپێسێ آچێق اوْلان مسجیده سوْخدۇلار. مۆسلمانلار شاشقێنلقێدان نه ياپاجاقلارێنێ بیلمیردیلر. چۆنکۆ کؤپکلر سئویشه‌رک مسجیده گیرمیشدیلر. بعضی آداملار قوْرخۇسۇندان اطرافێنا باخێردێ کی، بۇ بؤيۆک گۆناه اۆزۆندن ایمام زامان ظۆهۇر ائدیب يا يوْخ؟ آنجاق ایمام زامان اطرافدا گؤرۆنمۆردۆ. آرتێق کۆتلشمیش ایتلر مسجیدده مسکۇنلاشمێشدێ.

شیعه اینقیلابێندان سوْنرا هر بیر مسجیدین مسئۇلۇ شهرین ایمام جۆمعه‌سینه باغلێ اوْلان قۇرۇم طرفیندن تعیین اوْلۇنۇردۇ. تعیین اوْلۇنان بۇ آداملار حیزبۇللاه اوْلاراق تانێنێردێلار. اوْنلارێن چوْخۇ عاشۇرا گۆنلرینده باشلارێنێ اوْ قدر يارمێشدێلار کی، خنجرین يئری اۇزاقدان گؤرۆنۆردۆ. کۆتلشمیش ایتلرین مسجیده گیردیگی خبرینی مسجیدین مسئۇلۇنا چاتدێردێلار. مۆسلمان اهالی‌نین سايێ گئت-گئده چوْخالێردێ. ایتلرین کۆتلشه‌رک مسجیده گیرمه‌لری گؤرۆلمه‌میش بیر حادثه‌‌ و گۆناه ایدی. مۆسلمان اهالی قوْرخۇدان تئز-تئز صالاوات سؤيله‌يیردی.

مسجیدین مسئۇلۇ چیرکین گؤرۆنۆمۆ و ياراشێقسێز ساققالێ ایله عصبی شکیلده پئيدا اوْلدۇ. آدامێن بیر الینده باشێنێ ياردێغێ آغزێ هاچالێ قێلێنج و بیر الینده ده کلاشنیکوْو وار ایدی. اوْ زامان بۆتۆن مسجید مسئۇللارێنا کلاشنیکوْو وئریلیردی. آدام، ابۇطالیب اوْغلۇ علینین زۆلفۆقارێنا بنزتمک اۆچۆن قێلێنجێ‌نێن اۇجۇنۇ هاچالێ ائتمیشدی. 

سوْيۇق و ایستی سلاحلا سلاحلانمێش اوْلان چیرکین و ياراشێقسێز ساققالێ آدام اؤنجه اۆزۆنۆ ایزدیهاما تۇتۇب دینی بیر نیطق، بیر خۆطبه‌‌ سؤيله‌دی: “ائي مۆسلمانلار، ائي شیعه‌ اۆممتی! قیيامت ياخێنلاشێر. آغام ایمام زامانێن ظۆهۇرۇ ياخێنلاشێر. گۆناه يئر اۆزۆنۆ بۆرۆمۆش. گؤرۆن دۆنيا نه قدر پیس دۇرۇما دۆشۆب کی، ایتلر ده گلیب مسجیدده کۆتله شیرلر. ائي مۆسلمانلار! گئدین قۇربان کسین و ایمام خۇمئينی‌نین ساغلێغێ اۆچۆن دۇعا ائدین کی، آغامێز ایمام مئهدی‌نین ظۆهۇرۇنا قدر دیری قالسێن. بلکه ایمام خۇمئينی‌نین حياسێ و حئيثیيتی حسابێنا آغامێز ایمام زامان بیزی باغێشلار.” بۇ سؤزلری ائشیدن اهالی قوْرخۇدان زاغ-زاغ اسیردی. سوْنرا دا الینده قێلێنج و کلاشنیکوْو تۇتان آدام اۆزۆنۆ گؤيلره تۇتۇب هؤنکۆر-هؤنکۆر آغلاماغا باشلادێ: “يا رببیم، کئچ گۆناهێمێزدان! يا رببیم بیلیرم کی، ایتلرین مسجیده گیرمه‌سی بۇ زاواللێ بنده‌لری‌نین گۆناهێ اۆزۆندندیر. يا رببیم، سنی آند وئریرم اؤز بؤيۆکلۆيۆنه، سنی آندا وئریرم 14 معصۇمۇن شرفینه بیزی باغێشلا!” ایزدیهامێن ایچیندن بیر گنج آدام “کؤپکلری دؤيه-دؤيه اوْرايا سالدێلار”-دئدی. الینده سلاح و قێلێج تۇتان حیزبۇللاه “کس سسینی قوْدۇخ اوْغلۇ قوْدۇخ! بۇ بیزیم ائتدیگیمیز گۆناهلارێن نتیجه‌سیدیر”- دئدی. گنج آدام صیفتیندن نیفرت تؤکۆلن هیزبۇللاهدان قوْرخۇب ایزدیهامێن ایچینده يوْخ اوْلدۇ.

کؤپکلر هله ده بیر-بیریندن آيرێلمامێش، مسجیدین ایچینده راحت سئکس دۇيغۇلارێنێ ياشايێردێلار. بلکه ده چوْخ باغێشلايان اۇلۇ تانرێ دا کؤپکلرین بۇ سئویشمه صحنه‌‌سیندن لذت آلێردێ. مسجیدین مسئۇلۇ دؤرد نفره “ياپێشێن کؤپکلری چێخارێن دێشارێ، سوْنرا گئدیب قۆسل ائدیب ناماز قێلێب تمیزلنرسینیز”- دئدی. بیر-بیرینه کؤپه‌يین پئنیسی ایله سێخجا باغلێ اوْلان ایتلری دێشارێ چێخاردێلار. مسجیدین مسئۇلۇ زۆلفۆقارا اوْخشار قێلێنجێنێ باشێ‌نێن اۆستۆنه قالدێرێب عربجه يۆکسک سسله بیر شئيلر سؤيله‌دی. سوْنرا دا وار گۆجۆ ایله “يا... حۆ...سئ..ين..!” دئيه‌رک، قێلێجێنێ ایکی ایتین آراسێنا ائندیردی. کؤپه‌يین پئنیسی اوْرتادان کسیلدی. يارێسێ قانجێغێن جینسی اوْرقانێندا قالدێ. جینسی اوْرقانێنێ ایتیرن کؤپک آغرێدان قوْرخۇنج شکیلده اۇلايێر و قۇدۇرمۇشجاسێنا مۆسلمانلارا سالدێرێردێ. يئنه ده مسجید مسئۇلۇنۇن باغێرتێسێ يۆکسلدی: “ائي اهلی-شیعه‌، منیم قاباغێمدان چکیلین کنارا بۇ ایتلری اؤلدۆره‌جه‌يم.” مۆسلمانلار مسجید مسئۇلۇنۇن آرخاسێنا کئچیب اوْنۇن نه ائده‌جه‌يینی گؤزله‌دیلر. حیزبۇللاه الینده‌کی کلاشنیکوْوۇن لؤله‌سینه مرمی يئرلشدیره‌رک ایتلرین ایکیسینی ده آتشه تۇتدۇ. کؤپکلر يئره سریلمیش، جان وئریردیلر. سوْن نفه‌سینی وئرمکده اوْلان کؤپک دیلی ایله پئنیسی‌نین ياراسێنێ يالايێردێ. آرتێق اۇلاما ناله‌سی ضعیف اینله‌مه‌يه دؤنۆشمۆشدۆ. اؤلۆردۆلر. 

کؤپکلری اؤلدۆرن حیزبۇللاه سوْنرا دا اۆزۆنۆ مۆسلمانلارا تۇتۇب “تکبیر!”- دئيه باغێردێ. مۆسلمانلار خوْر شکلینده باغێرێب بۇ غلبه‌يه مۆناسیبتلرینی بیلدیردیلر: “اللهۇ اکبر، اللهۇ اکبر- خۇمئينی رهبر.”

کؤپکلرین جسدینی بیر پالازا بۆکۆب هاراسا آپاردێلار. مسجیدین مسئۇلۇ حیزبۇللاه ایسه قوْرخۇلۇ جنوار کیمی خاطیره‌لرده قالدێ. هر زامان بۇ آداملا راستلاندێغمدا کۆچه‌نین دیگر طرفینه کئچر، اؤز-اؤزۆمه م. ع. صابیرین “هاردا مۆسلمان گؤرۆرم قوْرخۇرام” شعرینی پێچێلدار و محمّد هادی‌نین 

“نه ایستئدادێ حۆرریيت، نه ده عیرافنێمێز واردێر،

ديَرسیز، خئيریسیز يۆز مین سۆرۆ نادانێمێز واردێر” بئيتینی خاطێرلاردێم. 

***

بۇدۇر ایران مدنیيتی، بۇدۇر شیعه‌ اینقیلابێ‌نێن عدالت و مرحمت آنلايێشێ ...

***

فینلادیيادا گنج گؤزل قێزلار دؤولته باسقێ گؤستریرلر کی، نه‌دن کؤپکلرین سئکس حیاتلارێ اۆچۆن گرکن دقت ائدیلمه‌مکده‌دیر... 

25.01.2008